Біз сыбайлас жемқорлыққа қарсымыз: пікірталас

Бүгінде сыбайлас жемқорлық сияқты ұғым бүкіл әлемде кең таралған, оның тарихы сыйлық жасау әдетінен бастау алып, ежелгі дәуірден басталады және ғасырлар бойы онымен күрес жүргізіліп келеді.
17 қараша күні Семей қаласындағы Ж.Чайжүнісов атындағы электронды колледжінде Абай атындағы облыстық әмбебап кітапханасының қызметкерлері 2 және 3 курс студенттерімен «Біз сыбайлас жемқорлыққа қарсымыз!» атты пікірталас өткізді.
Шара барысында әлемдегі сыбайлас жемқорлықтың тарихы, Қазақстан тарихындағы сыбайлас жемқорлық туралы ақпарат берілді. Студенттермен сыбайлас жемқорлық ұғымының өзі, оның түрлері, сыбайлас жемқорлыққа байланысты қылмыстардың жиі жазасыз қалу себептері талқыланып, сыбайлас жемқорлық байқалатын барлық салалар туралы айтылды. Студенттер бұл құбылыс туралы белсенді түрде өз пікірлерін білдіріп, нақты жағдайларды мысалдармен келтіріп, сол арқылы сыбайлас жемқорлыққа деген көзқарастарын көрсетті. Студенттерге әртүрлі басшылық қызметтерді атқарып, сыбайлас жемқорлықпен бетпе-бет келсе, қоғамдағы жемқорлықты жою үшін не істер едіңдер деген сұрақтарға жауап берген ойлары тартымды, әрі қызықты болды.
Іс-шараға «Борьба с коррупцией», И. Борчашвилинің «Коррупционные преступления: закон, теория, практика», Б. Жетписбаеваның «Стратегия борьбы с коррупцией», «Қазақтың ата заңдары» кітаптары, «Жемқорлықпен күрес» газетттері таңдалып, шолу жасалды.