Кітапхана тәжірибесіндегі әлеуметтік мәдени инновациялар: облыстық семинар

17 қарашада Облыстық инновациялық-әдістемелік орталығының ұйымдастыруымен «Кітапханалық қызмет көрсетудің инновациялық жолдары» атты облыстық семинар өтті, семинарға Абай облысындағы мектеп кітапханаларының кітапханашылары қатысты. Семинар барысында қатысушыларға балалармен жұмыс істеудің жаңа түрлері айтылып, тренингтер мен түрлі ойын түрлері ұсынылды.

Семинарға Абай атындағы кітапхана мамандары «Кітапхана тәжірибесіндегі әлеуметтік-мәдени инновациялар» атты интерактивті баяндамасымен қатысты, баяндама барысында тыңдаушылар кітапхананың анықтамалық аппаратынан, кітапхана сайттарынан ақпарат табу мәселелерімен, кітапханалардың әлеуметтік бағыттағы жұмысымен танысты. Атап айтқанда, «ЖырLIKE», «BookMix», «Балаларға арналған әдеби шолулар», «Бірге оқимыз» әдеби жобаларына тоқталды.

Баяндамада мектеп оқушыларына қажетті және маңызды ақпаратты интернеттен табуға көмектесуге нұсқау бере отырып, осы тұрғыда Абай атындағы кітапхананың https://semeylib.kz/  сайтынан өлкетану мәліметтерін, Алаш электронды кітапханасынан https://alash.semeylib.kz/ сілтемесі арқылы керек ақпаратты алуға болатыны туралы айтылды. Семинарға қатысушылар үшін «Тарихи оқиғалар ізімен» квесті әзірленіп, «Алаш» электронды кітапханасының «Тарих» бөлімінен қажетті  ақпаратты алу мүмкіндігі берілді. Мектеп кітапханашыларына білім беру ойындары мен ойын жаттығуларын жасау үшін LearningApps, Flippity және ProProfs сияқты тегін қызметтерді пайдалану ұсынылды,