Шығыстың рухани мұрасы: тұсаукесер

  • 24.12.2013

Шығыс Қазақстан облыстық Абай атындағы әмбебап кітапханасында 2013 жылы 24 желтоқсан күні «Алтай-Ертіс кітапханасы» сериясымен жарық көрген ақын-жазушылардың кітаптарының тұсаукесері өткізілді.

Өткізілген күні: 2013 жыл 24 желтоқсан. Өткізілген орны: Шығыс Қазақстан облыстық Абай атындағы әмбебап кітапханасы. Қатысушылар: зиялы қауым өкілдері, жазушылар, студенттер, оқырмандар. Қатысушылар саны: 78 адам. Шараның мақсаты: Шығыс өңірінен шыққан жазушылардың кітаптарын насихаттап, кітап авторларымен оқырмандарды кездестіру.

24Шығыс Қазақстан облыстық Абай атындағы әмбебап кітапханасында 2013 жылы 24 желтоқсан күні «Алтай-Ертіс кітапханасы» сериясымен жарық көрген ақын-жазушылардың кітаптарының тұсаукесері өткізілді. «Алтай-Ертіс кітапханасы» – еліміздегі өңірлік ең көлемді жобалардың бірі. Тың жобаны ұсынған Шығыс Қазақстан облысының әкімі Б.Сапарбаев: «Рухани мұра- оқырман олжасы», -деп атап өткен болатын. Тәуелсіздіктің 20 жылдығы қарсаңында «Мәдени мұра» мемлекеттік бағдарламасы аясында қолға алынған жобаның алғашқы сериясы Шығыс Қазақстан Облысының әкімшілігінің қолдауымен жарық көрген. «Алтай-Ертіс кітапханасы» шығысқазақстандық ғылым, білім, мәдениет қайраткерлерінің рухани мұрасын өскелең ұрпаққа жеткізу мақсатында ұйымдастырылған. 20 жазушының шығармашылығын қамтыған 20 том тек қана шығысқазақстандықтардың емес, бүкіл қазақ халқының мақтанышы саналатын қазақ әдебиетінің кемеңгерлерімен толыққан.

25

Тұсаукесерге «Алтай-Ертіс кітапханасы» сериясына кітаптары енген: жазушы, драматург, Халықаралық ақпарат академиясының академигі, деректі жанрдың майталман шебері, жерлесіміз – Медеу Сәрсеке, Абай мұрасы, қазақ поэзиясы мен мәдениеті жайында зерттеу еңбектері арқылы республикаға танымал, белгілі әдебиетші, сыншы- Төкен Ибрагимов, қазақ поэзиясында өзіндік айрықша қолтаңбасы бар, қайталанбас ақынның бірі- Тынышықбек Әбдікәкімов және артына өшпес із қалдырған, танымал жазушы Мерғали Ибраевтың қыздары- Айнаш, Лаура Мерғалиқыздары шақырылды. Тұсаукесер рәсімін жазушы Медеу Сәрсеке мен кітапхана директоры Айгүл Әлімбекқызы кесіп, Қ.Жырғалыұлы «Тойбастар» әнін шырқады. Кітапхана қызметкерлері «Ең қызықты сұрақ» ойынын ұйымдастырып, авторлардың көңілінен шыққан тартымды сұрақ қоюшыларға авторлар өз кітаптарын қолтаңба қойып сыйға тартты. Тұсаукесерге тарту ретінде, қаламыздағы мәдениет сарайының танымал әншілері – Т.Рахимов, Т.Сембаев және Б. Түктібаевтар халық әндерін шырқады. «Алтай-Ертіс кітапханасы» сериясымен басылып шыққан кітаптардан дайындалған слайд көрсетілімі ұйымдастырылып, «Шығыстың рухани мұрасы» тақырыбында кітап көрмесі ұйымдастырылды. Айнаш Мерғалиқызы кітапханаға үлкен алғысын білдірді