Әбіш Жиреншин және абайтану ғылымы: әдеби-сазды кеш

Абай атындағы кітапханада 2023 жылы 22 қарашада журналист, аудармашы, жазушы, абайтанушы, ғалым Әбіш (Әбусағит) Жиреншиннің туғанына 110 жыл толуына орай «Әбіш Жиреншин және абайтану ғылымы» тақырыбында әдеби-сазды кеш өткізілді. Әдеби-сазды кешке Семей Медицина Университетінің студенттері мен М.О.Әуезов атындағы педагогикалық колледж студенттері, № 28 мектеп оқушылары қатысты.

Шара барысында абайтанушы ғалымның өмірі, еңбек жолы, Абай шығармаларын зерттеп, Абай әлемінің ұлылығын таныту барысындағы еңбектері жайында маңызды ақпараттар берілді.
Кештің шымылдығы әнші Бақытжан Түктібаевтың орындауындағы Абайдың «Сегіз аяқ» әнімен ашылды.
Әдеби кеш барысында барысында кітапхана қызметкерлері Әбіш Жиреншиннің абайтану ғылымына қосқан үлесі жайында кеңінен әңгімелді.
Семей Медицина университетінің студенті Мельдеш Бақытжан «Ерке сылқым» күйін, №28 мектептің оқушысы Мусина Айзия «Адай» күйін орындап, №28 орта мектептің оқушылары Бужиканов Абай мен Яудинова Аделя «Қазақ осы» әнін шырқады.
Семей Медицина Университетінің студенті Қайырғалиева Айгерім «Желсіз түнде жарық ай» әнін шырқаса, студенттер Абайдың өлеңдерін оқыды. Кеш соңында қатысушыларға Алғыс хаттар беріліп, Абайдың «Көзімнің қарасы» әнін барлығы қосыла айтты.
Шара барысында «Абайтану ғылымы және Әбіш Жиреншин» атты тақырыпта кітап көрмесі ұйымдастырылып, арнайы слайд көрсетілді.