Мейірімділік әлемді құтқарады: қайырымдылық акциясы

25 желтоқсан 2013 жылы «Технодом» сауда үйінің қызметкерлері Шығыс Қазақстан облыстық Абай атындағы әмбебап кітапханаға бейнекамера қызметі бар фотоаппараттарды салтанатты түрде табыс етті.

Өткізілген уақыты: 25 желтоқсан 2013 жыл. Өткізілген орны: «Технодом» сауда үйі. Қатысушылар – «Технодом» сауда үйінің қызметкерлері мен Шығыс Қазақстан облыстық Абай атындағы әмбебап кітапхана мамандары. Қатысушылар саны: 14 адам. Іс-шараның мақсаты: кітапхананың әлеуметтік жобасына көмек беру. Күтілетін нәтиже: жастар мен әр түрлі топтағы мүмкіндігі шектеулі жандарға фотосурет саласындағы кәсіби дағдыларын дамыту және бос уақыттарын тиімді ұйымдастыру.

25 желтоқсан 2013 жылы «Технодом» сауда үйінің қызметкерлері Шығыс Қазақстан облыстық Абай атындағы әмбебап кітапханаға бейнекамера қызметі бар фотоаппараттарды салтанатты түрде табыс етті.

Кітапхана 2013 жылы мүмкіндігі шектеулі жандарға қызмет көрсету мақсатында «Библиокөмек» жобасын жүзеге асырды. Бұл жобаға мүгедек жандарға арналған бірнеше бағдарламалар енді. Солардың бірі – жастар мен әр түрлі топтағы мүмкіндігі шектеулі тұлғалардың фотосурет саласындағы кәсіби дағдыларын дамыту мен бос уақыттарын ұйымдастыруға бағытталған фотосурет үйірмесі. Бұл бағдарламаны жүзеге асыру үшін кітапхана мамандары бірнеше сауда үйлеріне демеушілік қызмет көрсетуді сұраған болатын. Солардың ішінде «Компания Neo-Азия» ЖШС («Технодом» СҮ) біздің өтінішімізге тез арада жауап қайтарып, бейнекамера қызметі бар 4 фотоаппаратты сыйға тартты.

«Компания Neo-Азия» ЖШС («Технодом» СҮ) Директоры Р.Б. Исмаиловқа, «Компания Neo-Азия» ЖШС («Технодом» СҮ) ішкі коммуникация бөлімінің басшысы Лев Цой мырзаға, «Компания Neo-Азия» ЖШС («Технодом» СҮ) Семей бөлімшесінің директоры Елена Замковаға және «Технодом» СҮ-ң барлық қызметкерлеріне қайырымдылық, адамгершілік пен түсіністік үшін үлкен алғысымызды білдіреміз.