Балалар әдебиетінің бәйтерегі: кітап көрме-инсталляция

«Бір ел-бір кітап» республикалық акциясы аясында қазақ прозасына өзгеше сипат әкелген көрнекті қазақ жазушысы 2024 жылы 100 жылдығы ЮНЕСКО көлемінде аталып өтілетін Бердібек Соқпақбаевтың шығармаларын оқу мақсатында балалар әдебиеттері бөлімінің қызметкерлері «Балалар әдебиетінің бәйтерегі» атты кең көлемді кітап көрме-инсталляциясын жасақтады.
Бердібек Соқпақбаев – қазақ прозасына ерекше леп әкелген қаламгер. Жазушы қаламынан шыққан кез келген туынды оқырманды баурап алады. «Менің атым Қожа» повесі бойынша «Қазақфильм» киностудиясында көркем фильм түсіріліп, 1967 жылы Канн қаласында өткен Балалар мен жасөспірімдер фильмдерінің халықаралық фестивалінде арнайы жүлдеге ие болды.
Көрмеге қаламгердің әр жылдары жарық көрген «Менің атым Қожа», «Өлгендер қайтып келмейді», «Балалық шаққа саяхат», «Чемпион», «Жекпе-жек» және т.б. туындылары, мерзімді басылым беттерінде жарық көрген мақалалар топтамалары қойылып, өмір жолы мен шығармашылығынан мағлұмат берілді.
Шара соңында балдырғандар Бердібек Соқпақбаевтың шығармашылығына қызығушылық танытып, кітаптарын оқуға ниет білдірді.