«Аңыз партизан Қасым»: ерлік сағаты

11 ақпан күні Абай атындағы әмбебап кітапханада «Аңыз партизан Қасым Қайсенов» атты тақырыпта ерлік сағаты өтті. Ерлік сағаты А.Фадеев атындағы сыйлықтың лауреаты, көрнекті жазушы, Ұлы Отан соғысының ержүрек батыры, әйгілі партизан, көзі тірісінде аты аңызға айналған халқымыздың қайталанбас біртуар даңқты перзенті Қасым Қайсеновке арналды. Шараға Семей қаласындағы №68303 әскери бөлімшесінің сарбаздары қатысты.
Шара барысында кітапхана қызметкерлері Ұлы Отан соғысының ардагері, жазушы, қаһарман, партизан Қасым Қайсеновтің өмірі, шығармашылығы, марапаттары туралы мағлұматтармен бөлісті. Қасым Қайсеновтің шығармашылығына байланысты слайд көрсетіліп, «Қаһарман Қасым» атты деректі фильм көрсетілді
«Ерліктің ерен тұлғасы» атты тақырыпта кітап көрмесі ұйымдастырылып, шолу жүргізілді.