Невада – Семей тарихы: ядролық қаруға қарсы қозғалыс жетекшілерімен кездесу
23 ақпан күні Абай кітапханасында «Невада-Семей» антиядролық қозғалысының құрылғанына 35 жыл толуына орай, «Невада-Семей» халықаралық антиядролық қозғалысының мүшесі, вице-президент С.У.Картоев, қозғалыс белсенділері Б.О.Серікбаев, Қ.С.Бохаев және М.А.Гусейновтермен кездесу ұйымдастырылды. Шараға қатысушылар Семей-Невада ядролық сынақ полигонының тарихы, жарылыс салдары, оның адам денсаулығына келтірген зияны мен қасіреті жайында ақпарат ала отырып, қатерлі сынақтың пайда болу алғышарттарымен танысты. Кеш қонақтары аталмыш қозғалыстың тарихилығы мен өміршеңдігі жайында сөз қозғап, қол жеткізген жетістіктері туралы естеліктерін ортаға салды. Іс-шарада «Невада-Семей» қозғалысы туралы сыр шертетін, көркем әдебиеттер Р.Сейсенбаев, М.Сәрсеке, С.Досжан, С.Картоев еңбектері мен деректі кітаптар, мерзімді басылымдардан жасақталған «Ядролық зұлмат» тақырыбында кітап көрмесі жасақталды.Кеш қонақтарымен рухани жүздесу көпшіліктің көңілінен шықты.Іс-шара соңында арнайы шақырылған қонақтар кітапханаға алғыстарын білдіріп, үлкен табыстар тіледі.
