Алғысым шексіз, Қазақстаным!: ақпараттық сағат

2024 жылдың 1 наурыз күні Абай атындаға кітапхана қызметкерлері Семей қаласының гуманитарлық-заң колледжінде болып, 1 наурыз- Алғыс айту мерекесі аясында студенттерге ақпараттық сағат ұйымдастырды.
Аталмыш іс-шарада Алғыс айту күнінің шығу тарихына тоқталып, мерекенің мән мағынасын ашы түсу үшін, Л.Сон , С. Тауекелдің сценарийі бойынша жарыққа шыққан “Жерұйық” фильмінен үзінді көрсетілді.Фильмде 1937 жылдардағы қазақ халқының басқа ұлт өкілдеріне көмектері, қонақжайлылықтары, корей ұлтына деген қамқорлықтарын көруге болады. Сондай-ақ, іс-шара мағынасын аша түсу үшін, өзге ұлт өкілдерінің қазақ халқына деген ізгі ықыластары туралы бейнероликтер көрермендер назарына ұсынылды.
Кітапхана қорынан «Алғысым шексіз» тақырыбында кітап көрмесі жасақталды. Көрмеге Ю.И. Подопригордың “Павлодар Ертіс өңірінің немістері”, “Қазақстанның депортация тарихынан 1935-1939″, Б. С. Боранбаеваның ” Капустин Яр. Қазақ депортациясы” және т. б. мерзімді басылым беттерінен мағлұматтар қойылды.
Шара соңында мерекеге байланысты викторина ұйымдастырылып, белсенділік танытқан студенттер кітапхана атынан ынталандыру сыйлықтарына ие болды.