Жаңа өмір, жаңа жыл, жаңа күнмен көрісу: дәріс

14 наурыз Қауышу күні мерекесіне орай Абай атындағы кітапхана ұжымы Батыс Қазақстан Облысымен    ZOOM  платформасы арқылы тікелей байланысқа шықты.Аталмыш шара барысында Абай атындағы кітапхана директорының орынбасары Мустафин Бауыржан Мәулітғазыұлы сөз алып,барша қауымды мерекемен құттықтады.Шараға Семей қаласынан

этнограф, шежіреші М.Жанболатұлы,  ф.ғ.к., Alikhan Bokeikhan University профессоры,  филос. ғ. к. М.Түйебаев  қонаққа шақырылып, БҚО, Орал қаласынан  жазушы, этнограф,  «Ақжайық» телеарнасының тілшісі М.Балмолда қатысты. Телекөпір арқылы өткізіліп жатқан іс-шарада этнограф М.Жанболатұлы аталмыш мерекенің тарихилығы мен тереңдігі жайында сыр шертіп, филос. ғ. к. М.Түйебаев  кеңестік уақыттағы тиымдарға тоқталды.Батыстық М.Бақмолда  осы мейрамға байланысты әр өңірдің ерекшелігін, атап айтқанда бір өңірде «Амал мерекесі», енді бірінде «Қауышу күні», ал батыста «Көрісу айт күні» деп аталатындығына тоқталып, бұл күннің осылай аталуын кеңестік жүйемен байланыстырып, үлкендер ауызынан естіген әңгімелерді жеткізді. Шара соңында екі өңірдің тұрғындары да бұл бір күн ғана емес, әр уақытта,әр күнде бола беруі керек деген тұжырым айтысты. Ендеше, ұлттық құндылықтарымызды  ұлықтай берейік, Амал мерекесі құтты болсын,ағайын!