Наурыз – көктем мерекесі: кең көлемді кітап көрмесі

Абай атындағы кітапхана қызметкерлері Наурыз мейрамы қарсаңында, «Наурыз – көктем мерекесі» атты кең көлемді кітап көрмесін ұйымдастырды.

Көрмені тамашалауға «Шәкәрім атындағы университет», «Радиотехника және байланыс» колледж студенттері мен №47 мектеп оқушылары қатысты.

Көрмеге «Қазақ халқының салт-дәстүрлері», «Қазақ халқының ұлттық киімі», «Қазақтың ұлттық тағамдары», “Наурыз: Ұлыс күніне арналған халық салт-дәстүрлері», «Наурыз: Жаңғырық дәстүрлері»,  С. Кенжеахметұлының «Әдет-ғұрып», «Беташар», Б.Төтенаевтың «Қазақтың ұлттық ойындары», «Қазақтың батырлық жырлары»  және т. б. кітаптар қойылып,балалар әдебиеті бөлімінің жас оқырмандары дайындаған қолөнер бұйымдарымен толықтырылды.

Аталмыш кітап көрмесін айдың соңына дейін тамашалай аласыздар.