Кітап – ғажайып әлем: әдеби сағат

Халықаралық балалар кітабы күнін мерекелеу аясында және ұлы даниялық жазушы Ханс Христиан Андерсеннің (1805-1875) туған күніне орай балалар әдебиеттері бөлімінің қызметкерлері №39 орта мектептің 6 сынып оқушылары арасында «Кітап – ғажайып әлем» тақырыбында әдеби сағат ұйымдастырды.
Аталмыш шарада кітапхана қызметкерлері балаларға Халықаралық кітап күнінің, кітаптың шығу тарихын, Г.Х.Андерсеннің өмірбаяны және оның керемет ертегілері туралы көптеген қызықты мағлұматтар беріп, «Кітап туралы мәлімдемелер» викторинасына, әдеби ойындарға: «Сұрақ-жауап», «Жазушы портреті» ойындарына оқушыларды жұмылдырды.
Қазақтың алғашқы әліпбиін құрастырушы, реформатор ғалым А. Байтұрсынұлы жайлы жазылған «Ахмет Байтұрсынұлы кім? атты кітабына оқушылар ерекше қызығушылық танытты. Онда балалар 1924 жылы ресми түрде бекітілген араб графикасын қазақ тілінің дыбыс жүйесіне бейімдеп жасаған әліпбиінің тарихи маңызымен, ерекшеліктерімен танысты. Сондай-ақ, қазақ, орыс, шетел балалар жазушыларының шығармалары, Х.К.Андерсеннің тамаша ертегілері, жаңа форматта жарық көрген заманауи кітаптармен т.б. жабдықталған кітап көрмесіне шолу жасалды.