Оқимыз, ойнаймыз, сурет саламыз: көңілді саяхат
Бүгін 2 сәуір – Халықаралық балалар кітабы күні. Атаулы мерекеге орай қаламыздағы №6 мектептің 1-сынып оқушылары балалар әдебиеттері бөліміне саяхатқа келді.
Кішкентай қонақтарымыз жақын арада жаңарудан өткен «Балалардың ойын-шығармашылық орталығындағы» түрлі шығармашылық алаңдарда ойнап, түрлі-түсті қағаздарды қиып гүл жасады. Құм арт-терапиясын қолдана отырып, өз қиялдарындағы суреттерін салды. Сондай-ақ, коворкинг-оқу залындағы мазмұнды да қызықты кітаптармен танысып, «Авель» көркемсурет студиясы тәрбиеленушілерінің дат жазушысы Ханс Христиан Андерсеннің туған күніне арналған «Андерсеннің сиқырлы ертегі әлемі» атты суреттер көрмесімен тамашалап, балалардың шығармашылық әлемімен танысты.
