Жемқорлық торында: ақпараттық сағат

3 сәуір күні кітапхананың тұрақты келушілері үшін «Жемқорлық торында» тақырыбында ақпараттық сағат өткізілді. Тыңдаушыларды сонау ежелгі дәуірден бастау алған жемқорлық тарихымен, әлемнің әртүлі елдеріндегі, соның ішінде біздің еліміздегі сыбайлас жемқорлықтың себептерін, түрлерін, оның ішінде көбінесе «үлкен» немесе жоғары деңгейдегі сыбайлас жемқорлықтың синонимі ретінде қолданылатын мемлекетке қауіпті саяси сыбайлас жемқорлықпен таныстырды.
Кітап көрмесіне Е.Алаухановтың редакторлығымен шыққан «Сыбайлас жемқорлықпен күрес», Б.А.Жетпісбаевтың «Сыбайлас жемқорлыққа қарсы күрес стратегиясы» сияқты қойылған кітаптар оқырман назарын аударды. Шараға қатысушылар Қазақстан Республикасындағы сыбайлас жемқорлыққа қарсы күрес тәжірибесіндегі проблемалар және сыбайлас жемқорлыққа қарсы стратегияның ерекшеліктері туралы мәлімет алды.