Сан қырлы, дара тұлға Қаныш Сәтбаев: кітап көрмесі

10 сәуір күні Абай кітапханасының мамандары бизнес колледж студенттеріне арнап «Сан қырлы, дара тұлға Қаныш Сәтбаев» тақырыбында кең көлемді кітап көрмесін ұйымдастырды. Кітапхана маманы колледж студенттерін аса көрнекті ғалым, академик, қоғам қайраткері, Қазақстан Республикасы Ұлттық Ғылым академиясын ұйымдастырушы және оның тұңғыш президенті, қазақстандық металлогения мектебінің негізін салушы Қаныш Сәтбаевтың өмір жолымен және ғылыми еңбек жолындағы жетістіктерімен таныстырды.
Көрмеге М.Сәрсекенің «Қазақтың Қанышы. Феномен» атты деректі ғұмырнамалық романы, Қ.Сәтбаевтың еңбектерінен құралған «Таңдамалы», Қ.Сәтбаевқа арналған энциклопедия, «Мир Сатпаева» жинағы және т.б. қазақтың бір туар тұлғасының әдеби, энциклопедиялық кітаптары қойылды.
Шара барысында студенттерге Қаныш Сатпаевтың Қазақстан ғылымына қосқан үлесін бейнелейтін «Жәдігер Қаныш» атты видеоролик көрсетілді.