Ғарышқа саяхат : танымдық сағат

12 сәуір күні Абай атындағы кітапханада «Оқуға құштар мектеп» жобасы аясында 12 сәуір – Халықаралық ғарышкерлер күніне орай, «Ғарышқа саяхат» тақырыбында танымдық сағат ұйымдастырылды. Іс-шараға қаламыздағы №38 мектеп-лицейінің 2 «Ә» сынып оқушылары қатысты.
Шара барысында оқушылар ғарыш әлемі, ғалам ғарышкерлері , қазақстандық ғарышкерлер жайлы ақпарат алып, «Планета тынысы» атты викториналық ойынға қатысты. Оқушылар бала логикасын дамытатын басқатырғыштардың көмегімен «Космос» бейнесін жинады.
Қатысушылар қазақстан ғарышкерлерінің ғарыш кеңістігін игерудегі жетістіктері баяндалатын бейнебаянды тамашалап, «Ғарыш – ғалам» тақырыбында арнайы жасақталған кітап көрмесімен танысты. «Робототехника» инновациялық зертханасының қатысушысы Ұ. Нариман зымыран жасап шеберлігін танытса, А. Ланова, Н. Исатай, М. Мавленов сынды оқушылар робот бейнесіндегі жерсерікті жасауға тырысты.
Шара соңында оқушылар Абайдың рухани орталығында болып, кітапхана тарихымен танысып, бөлімдерге саяхат жасады.