Б.Соқпақбаев «Менің атым Қожа»: оқырмандар конференциясы

17 сәуір күні Абай атындағы кітапханасында «Бір ел-бір кітап» республикалық акциясы аясында балалар әдебиетінің классигі, көрнекті қаламгер Б.Соқпақбаевтың 100 жылығына орай, балдырғандар жүрегінен ерекше орын алған, шоқтығы биік, үздік шығарма «Менің атым Қожа» туындысына арналып, оқырмандар конференциясы өткізілді. Шараға қаламыздағы №22 мектеп-лицейі, №16 мектеп оқушылары қатысты. Іс-шара барысында жазушының өмір жолы мен шығармашылығы және оның ерекшеліктері жайлы  бейне ақпарат ұсыныып,  «Менің атым Қожа» фильмінен үзінді көрсетілді.

Әңгіме бойынша оқушылардың  ойын тиянақтап, кейіпкерлердің образын ашу мақсатында топтық жұмыс жасақталып, «Тапқыр болсаң тауып көр», «Кейіпкермен жүздесу», «Қай сәт» ойындары ойнатылды.Оқушылар тыңғылықты жауап беріп,  дайындық деңгейлерін көрсете білді.  Жазушының  көркемдік әлемі әр қырынан суреттелді.

№ 22 мектеп-лицейінің оқушылары аталмыш тақырып бойынша  сахналық қойылым сомдады. Эпизодтық көріністе жеткіншектер кейіпкерлердің ойын, мінезін, сол кезеңнің өмір көрінісін көркем жеткізе білуге тырысты. Бұл қойылым қатысушыларға үлкен әсер сыйлады. «Жас оқырмандардың сүйікті жазушысы» тақырыбында кітап көрмесі жасақталып, оған жазушының әр жылдары жарық көрген еңбектері қойылды.

Шараға белсенді  қатысқан оқушыларға кітапхана тарапынан алғыс хаттар табысталды.