Ұранды ердің ұрпағы қайсар: кітап көрмесі

2 мамыр күні Абай атындағы кітапханасында 7 мамыр – Отан қорғаушылар күні мерекесіне орай «Ұранды ердің ұрпағы қайсар» атты кең көлемді кітап көрмесі ұйымдастырылды.
Көрмені Ә. Бөкейхан университеті, М. О. Әуезов атындағы педагогикалық колледжінің студенттері мен кітапхананың тұрақты оқырмандары тамашалады.
Шараға қатысушыларға айтулы мерекенің, Қазақстан Қарулы Күштерінің құрылу тарихы, Қазақстан Республикасы Қарулы Күштерін дамыту мен нығайтудың негізгі кезеңдері атап өтіліп, Отан қорғау жолындағы батырлар жайындағы кітаптар таныстырылды.
Көрмеге жастарды отансүйгіштікке тәрбиелеу тақырыбында, Қазақстан Қарулы Күштерінің кешегі мен бүгінгі жай-күйін ашатын кітаптар мен мерзімді басылымдар қойылды. Кітаптардың ішінде «Рухы күштілер», Т. Сұртаев «Отан деп соққан жүрек», «Қатарда жүр қарт солдат», А.Тасболатовтың «Қазақстанның әскери тарихы» кітаптарына, А.К. Кушкумбаевтың «Военное дело казахов в XVII – XVIII веках» атты еңбектердегі ежелгі дәуірден бастап Егемен Қазақстанға дейінгі Қазақстанның әскери тарихының мәселелеріне ерекше назар аударылды.