Сағадат Нұрмағамбетов – қазақ елінің қайсар ұлы: ерлік сағаты

3 мамыр күні Абай атындағы кітапхананың қызметкерлері Ж. Шайжүнісов атындағы электрондық колледжде «Сағадат Нұрмағамбетов – қазақ елінің қайсар ұлы» атты тақырыпта ерлік сағатын өткізді.
Шара барысында кітапхана қызметкерлері Кеңес Одағының батыры, тәуелсіз Қазақстанның тұңғыш қорғаныс министрі, Халық Қаһарманы, армия генералы Сағадат Нұрмағамбетовтің өмір жолы, майданда болған жылдары, Ұлы Отан соғысы жылдары жасаған ерліктері, көптеген жас офицерлерді әскери машыққа баулу жолындағы еңбегі жайында баяндады.
Ерлік сағатында «Қазақ халқының қадірлі ұлы Сағадат Нұрмағамбетов» атты тақырыпта кітап көрмесі ұйымдастырылды. Кітап көрмесіне Т.Тобағабылов «Сағадат Нұрмағамбетов», Ж. Темірақын «Генерал Нұрмағамбетов», С.К. «Лицом к огню», «Генералы Казахстана» энциклопедиялық анықтамалық, «Военная история Казахстана», С. Нурмагамбетов «От огненных лет до Суверенной армии», «Сквозь пламя войны», «Военная энциклопедия Казахстана» кітаптары қойылып, кітаптарда генералдың өзі жазған естеліктеріндегі ерліктерімен таныстырылды, студенттерге Ұлы Отан соғысы туралы, батырдың өмір жолына арналған сұрақтар қойылды.
Шара соңында қатысушылар назарына слайд ұсынылып, «Қазақстандық Кеңес Одағының Батыры – Сағадат Нұрмағамбетов» атты тақырыпта видеофильм көрсетілді.