Отбасы – бақыт мекені: кітап көрмесі

15 мамыр күні Абай атындағы кітапханада  Халықаралық отбасы күніне арналған «Отбасы – бақыт мекені» атты кітап көрмесі ұйымдастырылды. Бұл мереке әлемнің көптеген елдерінде аталып өтіледі. Кітапхана мамандары отбасылық құндылықтарды нығайту, сондай-ақ қоғамның назарын отбасы мәселелеріне және оларды шешу жайлы мағлұматтар берді. Арнайы жасақталған кітап көрмесі бірнеше бөлімді қамтыды: «Адамгершілік  және отбасылық құндылықтар», «Отбасылық қарым-қатынас психологиясы», «Отбасылық қарым-қатынастың құқықтық негіздері», «Отбасы әлемінің асхана тенденциялары», «Отбасылық қарым-қатынас туралы көркем әдебиет».

Оқырмандарға  отбасылық құндылықтардың неден басталатыны, махаббат, адамгершілік құндылықтары туралы отбасылық мерекелер және күнделікті өмір туралы әңгімеленіп, аталмыш тақырыпта қатысушыларға сауалдар жолданды.

Кітап көрмесіне «Күйеу келтір, қыз ұзат», «Казахская национальная кухня», Х. Арғынбаевтың «Қазақтың отбасылық дәстүрлері», С.А. Ынтымақовтың «Отбасы құқығы», Т. Кляйннің «Семена успеха или как родителям вырастить преуспевающих детей», Д. Кехоның «Практический курс счастья», И.А. Алешин, Н.И. Губановтардың «Любовь и семья», Ю. Давыдовтың «Этика любви и метафизика своеволия» және басқа да отбасы құндылықтарын насихаттайтын шығармалар қойылды.