Кітапханаға кітаптар сыйға берілді

Бүгін кітапханамызға Югра қаласынан «Ертіс Индустриал» халықаралық ғылыми-зерттеу экспедициясының қатысушылары келді.

Аталмыш экспедиция құрамында Геология, мұнай және газ мұражайының, Табиғат және адам мұражайының, Югра университетінің (Ханты-Мансийск автономиялық округі), Мәскеу география институтының (Ресей Федерациясы), Ұлттық музейдің (Қазақстан Республикасы) қызметкерлері болды.

Экспедицияның негізгі алға қойған мақсаты – қоршаған ортаны қорғау бойынша экологиялық іс-шаралардың маңыздылығын жаңарту болып табылады.

Югра мемлекеттік кітапханасының 90 жылдығына арналған «90 игі іс» акциясы аясында Югра тарихы, Сібір тарихы, Ертіс және Обь өзендерінің игерілуі туралы кітаптар топтамасын экспедиция мүшелері сыйға тартты. Абай кітапханасының қоры жаңа кітаптармен тағы да толықты.

Областная библиотека имени Абая выражает искреннюю благодарность участникам международной научно-исследовательской экспедиции за подаренные уникальные издания.

Абай атындағы облыстық кітапхана сыйға тартылған бірегей басылымдар үшін «Ертіс Индустриал» халықаралық ғылыми-зерттеу экспедициясының  мүшелеріне зор алғыстарын жеткізді.