Ұлы жеңіске арналады : халықаралық онлайн кездесу

15 мамыр күні Абай атындағы әмбебап кітапханасында «Ұлы Жеңіске арналады» тақырыбында Могилев қаласындағы (Белорусь) облыстық жасөспірімдер кітапханасымен «Ұлы жеңіске арналады» тақырыбында халықаралық онлайн кездесу өткізілді.
Кітапхана қызметкері онлайн іс-шараға қатысушларға «Әлия» жинағын таныстырып, қазақтың батыр қызы Әлия Молдағұлова туралы құжаттар туралы әңгімеледі.
Шарада қаламыздағы «Жас ұлан мектеп лицейінің» оқушылары Б. Чегибаев Кеңес Одағының батыры Т.Тоқтаров туралы мағлұматтармен бөліссе,А.Жұмағазин Кеңес Одағының батыры С. Баймағамбетовтың А. Матросовтың ерлігін қайталағаны туралы сөз қозғады.
Н. Шакиров болса,18 жасында жаумен қарама қарсы соғысқа шығып, өшпес ерлік көрсеткен мерген қыз Ә. Молдағұлованың туғанына биыл 100 жыл толып отырғандығы туралы айтып, батыр қыздың жаудың 78 солдаты мен офицерін жер жастандырдығы жайында видео көрсетілім көрсетті.
Келесі кезекті Белорусь республикасы, Могилев қаласының, №3 гимназиясының оқушысы Д. Полякова, А. Зажородина , В.Деревяго Могилев өлкесінде дүниеге келген Кеңес Одағының батырлары – С. Коваленко , К. Орловский , және тыңшы Л.Маневич туралы толық мағлұмат берді.
Шара соңында Могилев қаласы (Беларусь) облыстық жасөспірімдер кітапханасының қызметкер М.В.Елесеева қатысушылардың ақпараттарын толықтыру мақсатында, өз кітапханалары қорындағы Л.Маневич жайында жазылған А. Воробьевтың кітабымен таныстырды. Бұл кітапта тыңшы, жансыздың туралы өте жоғары дәрежеде жазылғандығы туралы атап өтті .
Онлайн кездесу соңында белсенді қатысушыларға алғыс хаттар табысталып, кітапхана атынан сыйға кітаптар берілді.