І. Жансүгіров «Құлагер» поэмасы: оқырман конференциясы

21 мамыр күні Абай атындағы кітапханада ақын, драмашы, прозашы І. Жансүгіровтің туғанына 130 жыл толуына орай «Құлагер» поэмасын талдау мақсатында оқырмандар конференциясы ұйымдастырылды. Іс-шараға қаламыздағы Шәкәрім атындағы университеттің «қазақ тілі мен әдебиеті» факультетінің студенттері қатысты.
Шара барысында студент Жеңіс Ардақ І.Жансүгіровтің ғұмырнамасы және шығармашылығы жайында баяндама оқыды.
Конференцияда студенттер поэмадағы туған жер табиғаты қалай суреттелгені жайында айта келе, жылқы жануарының тектілігі, шығарманың сюжетін құрайтын оқиғалар адамды бейжай қалдырмайтындығына тоқталып, Құлагердің өлімі Ақан үшін өте ауыр болғаны жайында кеңінен талқылады. Қатысушылар поэмаға арқау болған оқиға – Ақан сері мен тұлпары Құлагер жайында, Батыраштың бойындағы ашкөздік, көре алмаушылық қасиеттерінің басым екенін ортаға салды.
Қатысушылар поэманың сюжетін, композициясын құрудағы ақынның үлкен шеберлігі жайында сөз қозғап, «Құлагер» поэмасының қазақ әдебиетінде алар шоқтығы зор екендігін жеткізді.