Қызыл кітап парақтарын тамашалаймыз: кең көлемді кітап көрмесі

21 мамыр күні Абай атындағы кітапхана  «Саябақтағы марш -2024» Халықаралық республикалық экологиялық акциясына қатысты. Қалалық саябақта «Семей орманы» мемлекеттік орман табиғи резерватының ұйымдастыруымен экологиялық шара өтті.  Шараға қаладағы колледждер мен жоғары оқу орындарының студенттері мен мектеп оқушылары да қатысты.

Шара аясында кітапхана «Қызыл кітап парақтарын тамашалаймыз» кең көлімді кітап көрмесі жасақталып, көрмеге Қазақстанның, дүниежүзі бойынша қорғауға енген аң-құстар тізімі енген  «Қызыл кітаптар» жайғастырылып, адам әрекетінің әсерінен жер бетінде жойылып кеткен және бүгінде жойылу алдында тұрған жануарлар мен өсімдіктерге шолу жасалды.

Іс-шараға арнайы қатысушы оқушылар «Қызыл кітапқа» енген Қазақстандағы жануарлар бойынша театрландырылған қойылымнан үзінді көрсетіп, оларға төнген қауіп-қатерлер туралы жеткізді.

Бұл шараға арнайы жасақталған «Қызыл кітап парақтарын тамашалаймыз»  кең көлемді көрмесі бірнеше бөлімдер бойынша ұсынылды. Олар:  «Табиғатты қорғау және қоршаған орта», «Қорықтар мен табиғи саябақтар», «Экологиялық проблемалар», «Қазақстанның сирек құстары мен жануарлары», «Өлкеміздің ғажайып өсімдіктері туралы кітаптар». Сонымен қоса,  О.Бөкеев, В.М. Песков, М.М. Пришвин, Ж.Ж. Кусто, Дж.Даррел және т.б. сынды натуралист авторлардың ғылыми-көпшілік және көркем шығармалары таныстырылса, жас оқырмандарға жануарлар мен өсімдіктердің түрлері туралы балаларға арналған энциклопедиялар ұсынылды.