Қуаныш пен көңіл мерекесі:ойын-сауық бағдарламасы

1 маусым күні Халықаралық балаларды қорғау күнін мерекелеу аясында Абай атындағы кітапхана «Отбасы орталығы» қоғамдық қорымен бірлесе отырып, «Қуаныш пен көңіл мерекесі» атты ойын-сауық бағдарамасын  ұйымдастырды.

Ойын-сауық бағдарлама бойынша 4 мерекелік алаңға бөлінді.

Бірінші алаңда қатысушыларды «Шәкәрім» кітап үйінің ұйымдастырған кітап-жәрмеңкесі қарсы алып, балаларға базарлық ретінде әдемі де мазмұнды 30-дан астам атауын  кітаптарын ұсынды.

Екінші алаңда кітапхана мамандары балдырғандарға  мерекенің тарихы мен маңыздылығы және балалардың қауіпсіздігі туралы маңызды ақпараттар беріп, «Қазақстан Республикасының жол қозғалысы ережелері», «Қазақстан Республикасында балалар құқықтарының сақталуы», Қазақстан Республикасының бала құқықтары туралы», ертегілер әлемін бейнелейтін ашылмалы кітаптар, танымдық энциклопедиялар, фантастикалық, графикалық кітаптармен жасақталған «Қауіпсіз жазғы демалыс» атты кең көлемді иллюстративті кітап көрмесіне шолу жасалынды.

Үшінші алаңда балдырғандар «Түнгі жүргізуші», «Кенгру», «Доппен ойын»  т,б,  спорттық, эстафеталық ойындарға белсене қатысты.

Төртінші алаңда «Aвэль» арт-студиясының «Әлем балалар көзімен» атты сурет көрмесі ұсынылып, студия жетекшісі Авэль Светличная қатысушыларға сурет салу техникасы бойынша шеберлік сабағын өткізді. Шара соңында үйірме мүшелері Устинова Ярослава скрипкада көңілді музыка ойнап, мультфильм кейіпкерлері Малошарик пен Амонг Ас балалармен бірге флешмоб биледі. Айбекқызы Асылым заманауи биімен көрермендердің қошеметіне бөленсе, белсенді қатысушыларға кітапхана әкімшілігі атынан алғыс хаттар мен сыйлықтар табысталды.