Тәуелсіз елдің еңселі рәміздері: патриоттық сағат

4 маусым Қазақстан Республикасының Мемлекеттік рәміздер күніне орай Абай атындағы облыстық кітапхананың балалар бөлімі қызметкерлері еліміздің рәміздерін дәріптеу мақсатында, қаламыздағы №38 орта мектеп оқушылары арасында «Тәуелсіз елдің еңселі рәміздері» тақырыбында патриоттық сағат ұйымдастырды.
Шара барысында рәміздердің шығу тарихы мен қалыптасу кезеңдері және ұлттық нышандардың авторлары жайында бейне ақпарат беріліп, «Сіз, өз еліңіздің рәміздерін білесіз ба?» атты викториналық сұрақтар қойылды. «Отан» жайлы мақал-мәтелдер айтылып, елтаңба, байрақ, ту сөздерінен сөз құрап жазды. Сондай-ақ, арнайы жасақталған «Мемлекеттік рәміздер – тәуелсіздік символы» атты кітап көрмесіне шолу жасалып, «Жебе» кинокомпаниясы түсірген «Көк ту және достар» тақырыбындағы мультфильмді оқушылар назарына ұсынылды..
Іс-шара соңында оқушылар «Көк тудың желбірегені» патриоттық әнін бірлесе айтып, атаулы күнмен ерекше сезімдерін бөлісті.