Еліміздің негізгі рәміздері: кең көлемді кітап көрмесі

4 маусым күні Абай атындағы облыстық кітапханада Мемлекеттік рәміздер күніне орай «Еліміздің негізгі рәміздері» тақырыбында кең көлемді кітап көрмесі ұйымдастырылды. Көрмеге қаламыздың № 68303 әскери бөлімі, ҚР Ұлттық қауіпсіздік комитеті шекара қызметінің әскери міндетін атқарушылар және кітапхананың тұрақты оқырмандары қатысты.
Мемлекеттік рәміздер – Ту, Елтаңба және Әнұран – Қазақстан Республикасының дербестігі мен тәуелсіздігін бүкіл әлемге танытушы әрі мемлекетіміздің өткені мен бүгіні және болашағы арасындағы сабақтастықтың жарқын көрінісі.
Көрмеге Ата заңымыз «Қазақстан Республикасының Конституциясы», К.Ерофеевтің «Символы казахской государственности», Е.Шаймерденовтың «Қазақ елінің рәміздері», «Елтаным», «Қазақстан Республикасының тәуелсіздік рәміздері», «Қазақстан Республикасының мемлекеттік рәміздері.Тәуелсіздік нышандары» т.б. кітаптарға шолу жасалынды.
Шара соңында оқырмандарға еліміздің егемендігі мен тәуелсіздігін айғақтайтын мызғымас құнды белгілері Мемлекеттік рәміздердің авторлары мен рәміздер жайында сыр шертетін кітаптар таныстырылды.