Әлемдік ойдың алыбы: салтанатты әдеби мерекелік шара

Бүгін 10 тамыз «Абай күніне» орай Абай атындағы облыстық әмбебап кітапханасында «Әлемдік ойдың алыбы» атты салтанатты әдеби мерекелік шара өткізілді. Шара барысында ақын ескерткішіне гүл шоқтары қойылып, тағзым етілді. Іс-шараға зиялы қауым өкілдері, мәдениет қызметкерлері, оқырмандар, қала тұрғындары, мектеп оқушылары қатысты. Мерекелік шараға келушілерді кітапханадағы Абай өмірінен сыр шертетін аса құнды сирек қорлардан жасақталған «Ғасырлармен үндескен асыл қазына» атты кең көлемді кітап көрмесі қарсы алып, жерлесіміз, танымал қылқалам шебері Н.Өтепбаевтың шығармашылығы бойынша әзірленген «Абай және оның ұрпақтары» тақырыбында фотосурет көрмесін тамашалауға шақырылды. Әдеби шараның қонақтары бұнымен ғана шектеліп қоймай, «Желсіз түнде жарық ай» тақырыбында ұйымдастырылған Абай әндерінің орындалуының куәсі болды. Кітапханамыздағы «Сиқырлы қылқалам» сурет үйірмесінің балдырған суретшілері ақынның жаз мезгілдеріне арналған өлеңі бойынша қиялдарына қанат бітіріп, «Жазғы пейзаж» туындыларын көпшілік көрерменге паш етті.
Сондай-ақ, кітапханаға келушілер назарына ақын ғұмырнамасын толық қамтитын «Абайды оқы, таңырқа…» атты кең көлемді кітап көрмесі ұсынылды. Мерекелік шараға келушілер жастар арасында «Абай – ұрпақ жүрегінде» атты жас ақындар шеруі де қалыс қалмады. Танымал ақындарымыз бен қала мектептерінің оқушылары Абайға деген арнау өлеңдерін оқып, ақын өлеңдерін де жатқа айтты. Ақындар шеруіне қаламыздағы Шәкәрім атындағы № 5 мектеп гимназиясы, Ы.Алтынсарин атындағы № 37 гиназия, № 6 гимназия, сондай-ақ №17, № 47, № 38 және Шақаман мектебінің оқушылары қатысты. Жас ақындарға кітапхана атынан алғыс хаттар табысталды.
«Абай күнінің» мерекелік шарасына қатысушылар кітапханаға өз алғыстарын білдірді.