Жарқын жүздесу : кездесу кеші

12 қазан күні Абай атындағы әмбебап кітапханасында Қазақстан Жазушылар Одағының төрағасы Мереке Құлкенов пен Қазақстан Жазушылар Одағының төрағасы орынбасары, ақын, «Алаш» әдеби сыйлығының иегері Ғалым Қалибекұлымен кездесу кеші өткізілді. Шараға қаламыздағы зиялы қауым өкілдері, жергілікті ақын-жазушылар және әдеби ортаның өкілдері қатысты.

Арнайы ұйымдастырылған басқосуды ақын, Қазақстан Жазушылар Одағы Абай облысы филиалының төрағасы Мерей Қарт ашты. Аталмыш жүздесуде аймақтағы ақын-жазушылар ахуалы сөз етіліп, көреремендер көкейлерінде жүрген сауалдарын М.Құлкеновке жолдады.

«Абай жолы» кітапханасы жобасы аясында жарыққа шыққан кітаптар топтамасы қонақтар назарына ұсынылып, «Абай өңірінің ақын-жазушылары» тақырыбында кең көлемді кітап көрмесі жасақталды.

Бұл кездесудің тағы бір жаңалығы Қазақстан Жазушылар Одағының мүшелігіне жерлесіміз, жас ақын Жақсылық Асқарбек қабылданды.

Жақсылық Асқарбекке сәттілік тілейміз!