Ә.Толғанбаевтың «Қатал тағдыр тәлкегі» повесі: оқырмандар конференциясы

2024 жылдың 24 қыркүйекте Абай атындағы облыстық әмбебап кітапханасында Ә.Толғанбаевтың туғанына 100 жыл толуына орай «Қатал тағдыр тәлкегі» повесі бойынша оқырмандар конференциясы өтті.
Конференцияның негізгі мақсаты – қазақтан шыққан тұңғыш скрипкашының екінші дүниежүзілік соғыс уақытындағы тартқан азабына қарамастан қазақтың әндерін бүкіл әлемге паш етуі, қайтпас қайсарлықпен кешкен өмірін келешек ұрпаққа үлгі ету, басты кейіпкер Әйткеш Толғанбаевтың өмірі жайлы оқырманға кеңінен таныстыру.
Іс-шара барысында оқиға желісіне жалпылама шолу жасалып, хикаятқа арқау болған басты кейіпкерлер образына талдаулар жасалды.
Іс-шараға М.О. Әуезов атындағы педагогикалық колледждің студенттері қатысты.
Шара барысында жазушының майдандағы басынан кешкен қиындықтары, қатал тағдыр қайда сүйресе де әркез тек өзін жоғалтпай, музыка әлемімен қош айтыспай кешкен өмірі, тағдыр тәлкегімен арпалысып өткізген тұтқындағы қиыншылықтары туралы ақпараттар берілді,
«Қатал тағдыр тәлкегі» повесін талқылап, студенттермен біріге отыра шығарманың желісі бойынша қорытындылар жасалды.
Студенттерге жазушының шығармашылығын кеңінен таныстыру мақсатында А.Толғанбаевтың майданда жүріп шырқаған әндеріне, жазған оқулықтарына шолу жасалды. Қатал тағдырдың құрсауында болған Әйткештің өмір жолы студенттерді бей-жай қалдырмай, өздерінің шығармадан алған ерекше әсерлерімен бөлісті.
Скрипканың құдіретті үнімен Еуропалықтарды тәнті еткен өнерпаз Әйткеш Толғанбаевтың есімі кейінгі ұрпақ жадында мәңгіге қалары сөзсіз!