Жолдау – болашақтың бағдары: көрме

2024 жылдың 28 қыркүйек күні Абай атындағы әмбебап кітапханасының мерзімді басылымдар бөлімінде Мемлекет басшысы Қ.Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауы бойынша «Жолдау – болашақтың бағдары» атты көрме ұсынылды.

2024 жылдың қыркүйек айында жарыққа шыққан мерзімді басылымдар: «Дидар», «Семей таңы», «Заң», «AIQYN», «ЕGEMEN QAZAQSTAN», «Ертіс өңірі», «Вести Семей», «Спектр», «Рудный Алтай», «LITER», «Казахстанская правда», «Юридическая газета» көрмеге қойылды.

Шараға  Шәкәрім атындағы университеттің  1, 4 курс студенттері, Семей медициналық университеттің 4, 6 курс студенттері және қаламыздағы Назарбаев Зияткерлік  мектебінің 12 сынып оқушылары қатысты.

Кітапхана қызметкері Жолдаудағы Ел Президенті атап айтқан азаматтардың өмір сүру сапасын жақсартуда салық жүйесін қайта жаңғырту, шағын және орта бизнесті қолдау шараларын қабылдау, ауыл шаруашылығы саласын қолжетімді несиелеу, әділ және тиімді тарифтік саясат, көлік инфрақұрылымын жаңғырту, білікті кадрлар даярлау, цифрландыру және жасанды интеллектіні дамыту, азаматтардың қауіпсіздігін қамтамасыз ету туралы 9 бағыттан тұратын Жолдауы мен  2024 жылғы 6 қазанда Атом электр стансасын салу мәселесі бойынша референдум өтетінін мәлімдегені жөнінде студент жастарға кеңінен мағлұмат берді.

Іс – шараға қатысушылар  Президент Жолдауына өз көзқарастарын білдіріп, ортақ ойларын ортаға салды.