Жазба құжаттарды консервациялау және қалпына келтіру : үйрену сабағы

Абай кітапханасының кітапханашысы Т.О.Доскеева 2024 жылдың 7 – 19 қазан аралығында Қазақстан Республикасы Ұлттық кітапханасының Жазба құжаттарды консервациялау және қалпына келтіру мектебінде оқып, тәжірибеден өтуде. Үйрету сабақтарын Қазақстан Республикасы Ұлттық кітапханасының «Консервация, қалпына келтіру және түптеу қызметінің» жетекшісі Шоманова Аида Мұратқызы өткізіп, өз іс-тәжірибесін бөлісуде.
Ғылыми сақтау зертханасында құжаттарды ұзақ мерзімге сақтау және қалпына келтірудің негізгі принциптері бойынша теориялық біліммен қатар, қағаздардың физика-химиялық қасиеттерін және құжаттардың зақымдалу түрлері мен себептерін зерттеу бойынша тәжірибе алуда.
Консервация, қалпына келтіру және түптеу қызметінің мамандары кітаптар мен мерзімді басылымдарды жөндеу, қалпына келтіру және түптеудің түрлі әдістері бойынша тәжірибелік дағдыларды, сондай-ақ түрлі кітап, мерзімді басылым беттерін қалпына келтіру принциптері: желім дайындауды, құжаттың күйін бағалауды, қалпына келтіру үшін материалдар таңдауды, кітап блогын өңдеуді т.б. үйренуде.
Үйрену сабағына қатысушы әріптестеріміз сирек басылымдар қорын жоғары дәрежеде реставрациялау, сақтау шараларын үйренуде.