Дала сазынан жусан иісі аңқиды: поэтикалық коктейль

23 қазан Республика күніне орай Абай кітапханасында кітапхана қызметкерлерінің ұйымдастыруымен «Дала сазынан жусан иісі аңқиды» атты қазақ ақындарының шығармалары бойынша поэтикалық коктейль өткізілді.
Шараға мемлекеттік «Серпін» бағдарламасы бойынша қаламызда білім алушылар, атап айтқанда Шәкәрім, Ә.Бөкейхан университетінің студенттері қатысты.
Шара барысында Б.Бауыржанұлы «Арал жағасында» атты арнауын ортаға салса, еліміздің шалғай әр өңірінен келіп білім алып жатқан студенттер өз туған жерлері ақындарының туындыларын оқып, сағыныш мауқын басты.
Шәкәрім университетінің студенті Б.Жұман мен Ә.Бөкейхан университетінің студенті Д.Алмасқызы Д.Шекебайұлының сөзіне жазылған, М.Мұстафаұлының «Бір шәугім шәй» әнін, Г.Жанат Б.Ақтай «Алаш аманаты» күйін көпшілікке тарту етті.
Ұйымдастырылған шарадан жаңа серпін алған жастар, туған жерге деген құрметтерін әр қырынан көрсете білді.
Қонақтар танымал ақындардың туған жерге, елге деген таңдаулы өлеңдерін оқып, өз ойларын ортаға салды.
Шара соңында қатысушылар кітапханаға өз алғыстарын жеткізіп, Республика күнімен құттықтады.