Тәуелсіздік балалар көзімен: сурет көрмесі

8 желтоқсанда балалар әдебиеті бөлімінің қызметкерлері «Авэль» көркемсурет студиясымен бірлесіп, Қазақстан Республикасының Тәуелсіздік күніне орай «Тәуелсіздік балалар көзімен» атты сурет көрмесін ұйымдастырды. Іс-шара балалар мен жастар шығармашылығы сарайының «Алаш» вокалдық студиясының әншісі Молдахмет Ерсұлтанның орындауындағы «Мен қазақтың баласы» атты патриоттық әнімен басталды.
Шара барысында Анастасия Витальевна Пактың жетекшілігімен «Viva Voise» вокалдық студиясының әншілері өнер көрсетті, олар «Волшебник Недоучка» және «Алиса в стране Чудес» атты көңілді балалар әндерін орындады.Бұл көрмеге Семейдің жас суретшілерінің 50-ден астам туындылары ұсынылып және қала ғимараттарының заманауи келбетін, жас суретшілердің туындыларын, сондай-ақ кәсіби деңгейге шыққан балалардың жұмыстарын көруге болады.
Іс-шара балалардың қолда бар материалдардан жасалған қазақ ұлттық костюмінің театрландырылған көрсетілімімен толықтырылды. Композиция қарапайым картоннан жасалған. Барлығы 7 костюм ұсынылды. Көрменің ең ғажайып әсері студия жетекшісі Авэль Анатольевна Светличнаяның «Алға жүзіп келе жатқан кеме» туындысы болды, ол кітапхананамызды болашаққа бағыттайтын кеме түріндегі суреті.
Сондай-ақ көрмеден мемлекетіміздің үш ұрпағын бейнелейтін көлемді түрлі-түсті композицияны көруге болады. Көрменің ашылуына ҚР Суретшілер одағының мүшелері, Шәкәрім атындағы университеттің көркемсурет-графика факультетінің оқытушылары, белгілі суретшілер, дизайнерлер, сәнгерлер, қоғам қайраткерлері, мәдениет қызметкерлері, сондай-ақ «Авэль» студиясының жас суретшілері мен олардың ата-аналары шақырылды.