Тұлғалар бейнесіндегі Қазақстан тарихы: тарих сағаты

12 желтоқсанда Абай кітапханасының қызметкерлері қаламыздағы № 6 мектеп-гимназиясында 10 «Г» сынып оқушыларымен тәуелсіздік күніне орай «Тұлғалар бейнесіндегі тәуелсіздік тарихы» тақырыбында тарих сағатын өткізді. Шара барысында оқушылар қазақ халқының көрнекті өкілдері туралы қызықты деректермен танысты.
Іс-шарада Қаныш Имантайұлы Сәтбаевтың 125 жылдығына орай «Қаныш Сәтбаев» атты презентация көрсетілді. Презентация негізінде викторина ойнатылды.
Сонымен қатар «Тәуелсіздік туының астында» атты кітап көрмесі ұйымдастырылды. Көрмеге Қ. И. Сәтбаев туралы үш тілде : М. Серсекенің «Сәтбаев», «Академик Қ. И. Сәтбаев. Құжаттар мен материалдар жинағы» кітаптары қойылды. Қазақ және орыс тілдеріндегі: « Қаныш Сәтбаев» энциклопедиясы, А. Брагинаның « Бірінші академик», Қазақстанның тарихи тұлғалары туралы кітаптар: С. Стрелкованың «Уәлиханов», Р. Ақмағанбеттің «Алаш демократиясы» және т. б кітаптар көрсетілді.
Шара соңында оқушылар арасында Абылай хан, Ахмет Байтұрсынов, Шоқан Уәлихановтың портреттері негізінде «Тарихи тұлғаны таны» байқауы өтті. Оқушылар командаға бөлініп: әр қайраткер туралы, олардың өмірбаяны мен қызметі туралы айтып берді.
Ең белсенді қатысушылар Семейхан Данияр, Гизатулин Ариф, Торебекова Алуа, Таныбергенова Алима,Жуматаев Санжарларға мереке құрметіне шағын сыйлықтар табысталды.