Сыбайлас жемқорлықсыз қоғам: кітап көрмесі
2025 жылдың 9 қаңтарында Әлихан Бөкейханов атындағы университеттің студент-практиканттары «Сыбайлас жемқорлықсыз қоғам» атты кітап көрмесіне шолу жасады.
Кітап көрмесінің шолуында Франция, Италия, Қытай сияқты әлемнің әртүрлі елдеріндегі, сондай-ақ Қазақстандағы сыбайлас жемқорлықтың дамуы мен күресі туралы тарихи ақпараттар басты назарға алынды. Сыбайлас жемқорлықтың мәні, оның түрлері мен қоғамдағы көріністері, әлем елдеріндегі сыбайлас жемқорлықтың әкелетін экономикалық және моральдық зияны сияқты ұғымдарға сипаттамалар берілді. Тыңдаушылар сыбайлас жемқорлықтың мәні мен мазмұнын, оның қоғамға тигізетін зияны мен онымен күресудің маңыздылығын жан-жақты түсінді. Тақырып аясында берілген мәліметтер арқылы олар сыбайлас жемқорлыққа қатысты бірқатар тарихи, теориялық және практикалық мағлұматтар алды.
Көрмеде ұсынылған М.Әбілнасырованың «Сыбайлас жемқорлыққа қарсы мәдениет негіздері» және Е.Алаухановтың «Сыбайлас жемқорлықпен күресу: теория және практика» атты кітаптары сыбайлас жемқорлықтың теориялық негіздерін, оның себеп-салдарын және онымен күресу тәсілдерін түсінуге көмектеседі.
Оқырмандар сыбайлас жемқорлықтың тарихи аспектілерін ғана емес, оның қазіргі қоғамдағы көріністері мен оны болдырмаудың әдістері туралы нақты деректермен танысты. Оқырмандар теориялық ақпаратты, сонымен қатар сыбайлас жемқорлыққа қарсы күрестің құқықтық және практикалық негіздерін де меңгерді.
