Е.Бөкетов «Жас Қаныш»: кітап талдау

Қаңтар айының 25-і күні Абай кітапханасында «Асық» әдеби- мәдени клубы мен кітапхананың бірлескен түрде отырысы өтті. Әр отырыста кітаптар талданады. Осы жолы талдауға Е. Бөкетовтің «Жас Қаныш» кітабы таңдап алынды.
Жаңа жыл, жаңа бастамалар деп талдау жаңа форматта өткізілді. Талдау 2 кезеңнен тұрды. Алдымен, келген оқырмандарды электронды платформа көмегімен 3 топқа бөліп, 1-кезеңде кітаптың толық мазмұнын қамтитын сұрақтар әр топқа бөлініп берілді. Олар: Қаныштың туып өскен жері, бала кезінде алған тәрбиесі; Жаңа заманға икемделудің көрінісі және салт-дәстүрлер; Қаныштың есеюі, алған білімі, үлкен өмірге аяқ басуы төңірегіндегі сауалдар болды. Қатысушылар тапсырманы ерекше ынтамен орындап, келесі кезеңге өтті.Бұл кезең күрделі әрі өте қызықты болды. Шығарманың күрделене түскен жерін көрсететін тұстарды көрсететін әр кезеңдерінен мынадай сұрақтар мен тапсырмалар ортаға тасталды. Сұрақ, тапсырмалар: Жасампаздық қабілеті қай бөлімінде берілген және осы тақырыпты талдаңыздар. Адам экзистенция жасау үшін қандай құндылықтарға тәуелді? (Қаныштың бала кездегі тәрбиесі)Адам еркіндігіне саналы жауапкершілік арқаламаса не болады? Оның қоғамдағы көрінісі және т.б.
Бұл кезеңдер тақырыптық экзистенциялық, философиялық тұрғыда талданды. Қатысушылар, кітапты оқып қана қоймай, оны ортаға салып, талдау, пікір алысу арқылы кітап мазмұнын, айтар ойды бойларына сіңіре білді .
Сондай-ақ, Қ.Сәтбаевтың қазақ еліне сіңірген еңбегі жан-жақты айтылып, академиктің еңбектері сараланды.