«Ертіс өңірі» өлкетану қоғамы 20 жыл тарихта»: өлкетану қонақжайы
26 қаңтар күні Абай кітапханасында «Ертіс өңірі» өлкетану қоғамы мен Абай кітапханасы мамандары дайындаған «Ертіс өңірі» өлкетану қоғамы 20 жыл тарихта» атты өлкетану қонақжайы өткізілді. Шараға облыс әкімі Н.Т.Ұранхаев, «Абай облысы мәдениет,тілдерді дамыту және архив ісі басқармасы» ММ басшысы А.Т.Самат, бөлім мамандары, кітапхана пайдаланушылары және қала тұрғындары қатысты.
Шараға қатысушылар қоғамның 20 жылдық қызметімен танысты. Осы кезеңде қоғам өсіп, өлке тарихын сүйетін жастармен толықты. «Ертіс өңірі» қоғамы 2004 жылдың ақпан айында Семей қаласында пайда болды және сол кезден бастап өлкетану бойынша ізденіс, зерттеу және ағарту жұмыстарымен айналысты. Қоғамның алғашқы ұйымдастырушылары үлкен жұмыс атқарды: В.Лушников Қазақстандағы алғашқы байланыс мұражайын ашты, В.Кашляк Қазақстан мен Ресей мұрағаттарында орасан зор ғылыми-зерттеу жұмыстарын жүргізді, соның нәтижесінде Семей туралы кітаптар сериясы шықты. Семей қаласында көптеген өлкетанушылар мектептер мен колледждерде мұғалім болып қызмет атқарып, оқу орындарында мұражайлардың ашылуына үлес қосты. Ертіс өңіріндегі экспедицияларға қатысқан өлкетанушылар бірнеше археологиялық олжалар жасады: ерте қола дәуіріне жататын «Мұқыр аңшы»; Семей-Тау тауларының маңындағы 15 қорғаннан геоглиф табылды, табылғандардың бірі ерте темір дәуіріне жататын қыш құмыра. Өлкетанушы ғалымдардың бастамасымен Қазақстандағы жалғыз тарихи жол айрығы ашылды. «Семей қаласының тарихи-мәдени және сәулеттік маңызы бар көне ғимараттарының тізілімін» жасауда өлкетанушылар қала әкімшілігімен бірлесе үлкен жұмыс атқарды. Әрине, өлкетанушылар өлкенің алғашқы зерттеушілері, олардың арасында саяси жер аударылғандар мен қаламыздағы қазақ зиялылары туралы айтуды ұмытпады.
Шараға қатысушыларға кітап көрмесі әзірленіп, өлкетанушы ғалымдардың зерттеу сапарларында тапқан жәдігерлері қойылды. Кітаптардың ішінде Ертіс өңірі қоғамының өлкетанушылары В.Н. Кашляк, А. Куряшкин, М. Сасанов, П. Н. Жуковтардың басылымдары бар. Іс-шара презентациямен және бейнероликтермен сүйемелденді.
