Абай және кәсіпкерлік формуласы: кейс-іскерлік ойын
Шәкәрім университеті Абай Құнанбайұлының 180 жылдығына арналған «Abaistream» фестивалі аясында «Абай және кәсіпкерлік формуласы» тақырыбында кейс-іскерлік ойынын өткізді. Кейс-іскерлік ойыны Абай Құнанбайұлының шығармаларынан алынған даналықтарды заманауи кәсіпкерлік қағидаларымен байланыстыра отырып, қатысушылардың іскерлік дағдыларын дамытуға бағытталған. Аталмыш шараға Абай кітапханасы қызметкері Абайдың шығармашылығы мен өмір жолына шолу жасап, іскерлік-ойын сайысында студенттердің ұлы ойшыл даналығын қазіргі заманғы кәсіпкерлік контекстінде қалай қолдануға болатынын үйрену жоспар-жобаларымен танысып, үздіктерді саралауға қатысты. Интеллектуальды ойын барысында қатысушылар бизнес жоспарлау, стратегия құру, шешім қабылдау, командада жұмыс жасау сияқты кәсіпкерлік қабілеттерді жетілдіре білді. Абайдың идеяларын кәсіпкерлік мәселелерді шешуде қолдана отырып, шығармашылық қабілеттерін дамыта алды. Қатысушылар өздерінің таңдауына түскен Абайдың қара сөзіндегі мәтін мағынасына сай шығармашылық, іскерлік қабілеттерін белсенді көрсетіп, қысқа уақыт ішінде жылдам этностильде бизнес жоба жасап, оны ұйымдастыру мен қаржылық саласын есептеп, табыс пен шығынды анықтап, өздерінің білімдерін айқын көрсете алды. Кейс-іскерлік ойын барысында Абай мұрасын сапалы білім алып жатқан жастарымыз өмірлік темірқазық ретінде ұстанатыны қуантты.
