Әбу Насыр Әл-Фараби әлемі: танымдық сағаты
19 ақпан күні Абай кітапханасы қызметкерлері Абай облысының лингвистика орталығындағы тіл үйренуші Шәкәрім жоғары колледжі суденттері үшін «Әбу Насыр Әл-Фараби әлемі» атты тақырыпта танымдық сағат ұйымдастырды.
Кітапханаға алғаш аяқ басқан студенттер үшін кітапхананы таныстыру мақсатында экскурсия өткізілді. Бұл экскурсия барысында қатысушылар кітапхананың құрылымымен, кітап қорларымен және қызметтерімен танысты. Кітапхананың әр бөлімі мен кітап жинақтары туралы мағлұматтар беріліп, оқырмандарға кітапхана ресурстарын тиімді пайдалану жолдары көрсетілді.
Шараның екінші бөлігі әл-Фараби шығармашылығына арналды. Қатысушыларға ұлы ойшылдың өмірі, оның философиялық және ғылыми мұрасы туралы қызықты мәліметтер ұсынылды. Әл-Фарабидің адамзаттың бақытты өмірі мен қоғамдағы әділеттілікті орнату туралы идеялары, сондай-ақ оның ғылым мен мәдениет саласындағы орны жайлы кеңінен әңгімеленді. Шараның басты мақсаты – қатысушыларды әл-Фарабидің ғылыми мұрасымен таныстыру, оның философиялық және әлеуметтанулық ойларын ұғындыру. қандастарымызға ұлы ғалымның шығармаларын тереңірек түсінуге және қазақ мәдениетімен жақын танысуға мүмкіндік берді. Бұл іс-шара тіл үйренуші қандастарымыз үшін үлкен маңызға ие болды.
