Қазақ сөз өнерінің қос жұлдызы: әдеби таныстыру сағаты

20 ақпан күні «Бір ел-бір кітап» республикалық акциясы аясында балалар әдебиеті бөлімінің қызметкерлері қазақ жазушылары Тәкен Әлімқұлов пен Жұмекен Нәжімеденовтың шығармаларымен таныстыру мақсатында №17 жалпы орта білім беретін мектептің 7 «А» сынып оқушылары арасында «Қазақ сөз өнерінің қос жұлдызы» әдеби таныстыру сағаты өткізді.
Іс-шара барысында кітапхана қызметкерлері қаламгерлердің өмірі мен шығармашылық қызметі, олардың қазақ әдебиетін дамытуға қосқан баға жетпес үлесі туралы ақпарат ұсынды. Олардың башығармалары өскелең ұрпаққа ұлттық рух, адамгершілік құндылық және бай мұра қалдырды. Іс-шара барысында оқушыларға Т.Әлімқұловтың «Көкпар» әңгімесі бойынша мағұлмат беріп, оларға шығармадан үзінді ұсынылды. Үзіндіні талқылай келе, оқушылар өз пікірлерін ортаға салып және адамның адалдығы, жанқиярлығы, энергиясы мен рухани күші туралы өз көзқарастарын білдіре отыра «Educaplay» платформасы арқылы Жұмекен Нәжімеденов пен Тәкен Әлімқұловтың өмірбаянына арналған сұрақ түрінде құрастырылған ойын ойнатылды.
Іс-шара «Әдебиетке адал екі тұлға» атты кітап көрмесімен жалғасып, авторлардың әр жылдары түрлі баспалар шығарған шығармаларымен толықтырылды. Шара соңында кітапхана қызметкерлері Бейсембаева Назира Екпінқызына қатысқаны үшін алғыс білдіріп, кітапхана директоры Мерей Мейіртайұлының құрастыруымен шыққан «Семейден ескен самал жел» атты өлеңдер жинағын табысталды.