Шығыстың көрнекті ойшылы: портрет кеш

20 ақпан күні Абай кітапханасында ортағасырлық шығыс философиясының негізін қалаушы Әбу Насыр Әл-Фарабидің туғанына 1155 жыл толуына орай «Шығыстың көрнекті ойшылы» тақырыбында портрет кеші өткізілді. Шараға Семей медицина университетінің шетелдік студенттері, оқытушылар К.М.Белеуханова, О.Т.Ван қатысты.
Шара барысында ұлы ойшылдың өмірбаяны, ғылыми қызметі, өмір сүрген дәуірінің тарихи және тұрмыстық бейнесімен жақынырақ таныстыру үшін , көрермен назарына «Әл-Фараби» презентациясы ұсынылды .
Көрнекті ғалымның мұрасында 150-ден астам шығармашылық бар екендігі туралы ақпарат беріліп, олардың ішінде: «Мінсіз қала тұрғындарының көзқарастары», «Сұрақтардың мәні», «Ғылымдар тізімі», «Ғылымдардың пайда болуы туралы», «Музыка туралы үлкен трактат» кітаптарынан адамзаттың бақытты өмірі, қоғамдағы әділеттілікті орнату, философия, логика, жаратылыстану ғылымдары бойынша трактаттар маңызды орын алатындығы туралы сөз қозғалды.
Іс-шараға қатысушылар «Екінші ұстаз» атты кітап көрмесіне қызығушылық танытып, онда әл-Фарабидің шығармашылығы бойынша үш тілдегі: «Stories about Kazakstan», «Qazak jouney», « Әбу Насыр Мұхаммед әл-Фараби музыкасының философиясы» , Ж.Алтаевтың «Әл-Фараби-Шығыстың ұлы ойшылы» атты көп томдық монографияларына ерекше назар аударды.
Шара соңында тақырып бойынша викторина ұйымдастырылып, жеңімпаздар анықталды.