Қазақстан халқы Ассамблеясы. Алғыс айтамын!: ақпараттық сағат

28 ақпан күні Абай  кітапханасы  қызметкерлері қаламыздағы № 17 орта мектебінде Қазақстан халқы Ассамблеясының  30 жылдығына және  1 наурыз- Алғыс айту мерекесі аясында  9 сынып оқушыларына «Қазақстан халқы Ассамблеясы. Алғыс айтамын!» тақырыбында ақпараттық сағат ұйымдастырды.

Шарада ассамблеяның – еліміздегі барлық этнос өкілдерін ортақ мақсатқа ұйыстыра отырып, республикадағы тұрақтылықты сақтау мен ел дамуының мақсатына айтулы үлес қосып келе жатқандығы туралы ақпарат беріліп, алғыс айту күні мерекесінің негізі-   көпұлтты Қазақстанның бірлігін сақтау және дамыту, барлық этностардың бір-біріне және қазақ халқының оларға  қолдау көрсеткендігіне алғыс айту болып табылатындығы жайында әңгіме өрбіді.

Оқушыларға Алғыс айту күнінің шығу тарихы туралы ақпарат беріліп, жасөспірімдердің өзіндік пікірлері тыңдалды.

Шараға қатысушылар үшін  « Келісімнің негізгі тетігі – Қазақстан халқы ассамблеясы» тақырыбында кітап көрмесі ұйымдастырылып, этносаралық татулыққа бағытталған кітаптар таныстырылды.

Іс-шара соңында оқушылар кітапхана қызметкерлеріне үлкен алғыс білдіріп, кітапхана ұжымына шығармашылық табыс тіледі.