Наурыз баршаны мерекеге шақырады: ойын бағдарламасы

  • 20.03.2025

19 наурыз күні Абай  кітапханасында Семей мемелекеттік медицина университетінің студенттерімен бірге  Наурыз мейрамына арналған «Наурыз баршаны шақырады» тақырыбында ойын бағдарламасы  ұйымдастырылды.

«Іс оң болсын» деген ырыммен  шара барысы   «шашу»  шашу рәсімімен басталды.

Шараға қатысушы өзге ұлт өкілдеріне Наурыз мейрамының тарихы  таныстырылып, Наурыз мейрамының сәнін келтірер  Наурыз көженің құрамына  не қосылып жасалатынын  табу, ұлттық тағамдар атаулары мен маңыздылығы туралы  байқаумен жалғасты. Қонақтарға баурсақ пен құрт үлестірілді.

Шара мақал-мәтелдер жарысы,  қазақ ырымдары мен ақыл сөздерінің мағынасы түсіндіру сайыстарымен өз жалғасын тапты.

Сондай-ақ, көкпар, қыз қуу, тоғыз құмалақ т.б  әртүрлі ұлттық  ойындар туралы ақпарат беріліп, ұлттық ойындарының бірі «арқан тартыс»  ойыны ұйымдастырылып, шетелдік студенттер өзара күш сынасты. Аталмыш ойындарда Khan M., Ko-Pradhan R., Vallepo Gaotham T сынды студенттер    көзге түсіп, мәреге жетті.