«Орманда кім өмір сүреді, орманда не өседі?: интеллектуалды ойын

2 сәуір күні Абай кітапханасының балалар әдебиеті бөлімінде «Балалар кітабы күніне» орай «Орманда кім өмір сүреді,орманда не өседі?» атты интеллектуалды ойын өткізілді. Шараға №6 мектеп гимназиясының
4-сынып оқушылары белсене қатысты.
Шара барысында балалар Umaigra, Word wall платформасы арқылы викториналық сұрақтарға, логикалық тапсырмаларға тыңғылықты жауап беріп,белсене қатысып отырды. Балалар жануарлар және өсімдіктер туралы жұмбақ шешіп, жылдамдық пен тапқырлықты қажет ететін «Кім жылдам?» ойынына қатысты.
Шараның мақсаты – балалардың кітапқа деген қызығушылығын арттыру, оқу мәдениетін қалыптастыру және олардың ой-өрісін дамыту. Интеллектуалды ойындар арқылы оқушылардың білімін кеңейтіп, логикалық қабілеттерін жетілдіру көзделді. Сонымен қатар, кітапты дос ретінде қабылдауға, оны құрметтеуге және оқу әдетін дамытуға баулу болды.
Шара соңында кітапхана қызметкерлері сынып жетекшісі Жармұхаметова Эльмира Дюсембековнаға өздерінің алғыстарын білдіріп, кітапхана директоры Мерей Мейіртайұлының құрастырылуымен шыққан «Семейден ескен самал жел» атты өлеңдер жинағын табыс етті.