Ұлттық құрылтай: жаңа бастамалар мен өзекті міндеттер: дөңгелек үстел

3 сәуір күні Абай кітапханасында «Ұлттық құрылтай: жаңа бастамалар мен өзекті міндеттер» тақырыбында арнайы түрде қала мектептері кітапханашыларына дөңгелек үстел отырысы өткізілді.
Шараның мақсаты – Ұлттық құрылтайдың рөлін, оның жаңа бастамалары мен өзекті міндеттерін талқылау.
Шарада Абай облысы мәдениет, тілдерді дамыту және архив ісі басқармасының ономастика бөлімінің маманы Әйгерім Нұроллақызы, тарих ғылымдарының кандидаты, Шәкәрім атындағы университеттің профессоры Кәрімов Мұхтарбек Қарпықұлы, өлкетанушы Нұрқасым Құсмілия Жырғалыұлы, Alikhan Bokeikhan University профессоры, философия ғылымдарының кандидаты Түйебаев Махмұт Мамырбекұлы сөз сөйлеп, аталмыш тақырып бойынша ой-пікірлерін ортаға салды. Дөңгелек үстел барысында сарапшылар, ғалымдар, қоғам қайраткерлері, кітапханашылар Ұлттық Құрылтайда талқыланған мәселелер төңірегінде пікір алмасты. Ел экономикасын дамыту, көше атауларын өзгерту, әлеуметтік саясат, білім саласындағы реформалар және т.б. мәселелерін талқылауға ерекше назар аударылды. Дөңгелек үстелге қатысушылар елді дамытуға және халықтың өмір сүру сапасын жақсартуға бағытталған реформаларды табысты жүзеге асыру үшін мемлекет пен қоғамның бірлескен күш-жігері қажеттігі де назардан тыс қалмады.
Шараға қала мектептерінің барлық кітапханашылары қатысты. Дөңгелек үстел барысында сарапшылар, ғалымдар, қоғам қайраткерлері мен кітапханашылар пікір алмасып, жаңа бастамалар мен өзекті міндеттерге тоқталды.
Шараға қатысушы әріптестерімізге, Абай облысы білім басқармасының Семей қаласы білім бөлімінің маманы, қала мектептері кітапханашыларының кураторы Сандуғаш Тұрсынтайқызына зор алғысымызды білдіреміз.