Өлкетану клубы

19 сәуір күні Абай кітапханасында №1, 6, 9, 50, 45 мектептері мен «ЖасҰлан» мектеп-лицейінің қатысуымен балалар өлкетану үйірмесінің отырысы өтті. Шараға аталған мектептердің мұғалімдері де қатысты. Балалар қаланың тарихи ғимараттарымен танысу жұмыстарын жалғастырды. Бүгінгі басқосудың мақсаты – Мәңгілік Ел көшесіндегі көпес Ф.А.Медведевтің үйі болған, қазір «Аманат» партиясының филиалы орналасқан бұрынғы Қытай консулдығы ғимаратын зерттеу.
Сондай-ақ, қатысушыларға ақынның 180 жылдығына арналған суретші А.Г.Гореловтың «Абай әлемі» көрмесіне экскурсия ұйымдастырылды. Суретші Абайдың өмірі мен есімімен байланысты тарихи орындар мен ғимараттарды қағаз бетіне суреттеген. Балалар туған жерінің ғимараттарын таныса отырып, №1 орта мектептің оқушысы Мадияр «Аққұл» мешітіне қатысты аңызбен бөлісті.