Абай шығармаларынан шабыттанамын: сурет көрмесі

Сәуірдің 18-і мен 24-і аралығында Абай кітапханасында семейлік суретші А.Г.Гореловтың «Абай шығармаларынан шабыттанамын» картиналарының көрмесі өтті. Көрме «Кітапханадағы түн» шарасында ашылып, суретшінің өнерін қала қонақтары, оқырмандар, зиялы қауым өкілдері және Абай облысының мәдениет, тілдерді дамыту және архив ісі басқармасы басшысының міндетін атқарушы Жанжігіт Абзалбекұлы Омархан тамашалап, суретшіге шығармашылық табыс тіледі.
Автор Абайдың өмірімен және оның есімімен байланысты есте қалатын жерлерді суреттеп, олардың қасиетті мәнін көрсетеді. Көрмеде Жидебай мұражай кешенінің құрамына кіретін мемориалдық кесенелер, Абай атындағы кітапхана ғимараты, ақын атындағы мұражайлар мен театрлар, сондай-ақ қаланың тарихи ғимараттары бейнеленген картиналар қойылған. Көрме пейзаждық кескіндемемен толықтырылған.
Александр Григорьевичтің шығармашылық жолы театр қызметімен байланысты. Ол театрдың қоюшы-суретшісі, бас суретшісі болып жұмыс істеді, бірақ оны өлке тарихы мен табиғаттың сұлулығына арналған картиналар сериясын жасауға шабыттандырған Семей болды. Оның картиналары ерекше қуатпен, табиғат сұлулығымен және түстердің тазалығымен ерекшеленеді. Шараға қала тұрғындары, суретшінің Абай атындағы театрдың театр және өнер бөліміндегі әріптестері, орталық полиция басқармасының (ЦОП) қызметкерлері жоғары оқу орындары мен колледж студенттері қатысты.