Ынтымағы жарасқан көпұлтты Қазақстан: этнографиялық кеш

1996 жылдан бастап Қазақстанда жыл сайын ең жарқын мерекелердің бірі 1 мамыр – Қазақстан халықтарының бірлігі күні мерекесі атап өтіледі. Бұл мерекенің негізі – біздің көпұлтты еліміздің барлық этностарының мәдениеті мен дәстүрлерін құрметтеу.
Ынтымағы жарасқан мереке қарсаңында Абай атындағы кітапханасында «Қазақстан – бірлік пен бейбітшілік елі» тақырыбында этнографиялық кеш өткізілді. Кешке орыс әлеуметтік-мәдени орталығының өкілдері мен қолөнер шеберлері және «Қайнар» жоғары колледжінің студенттері қатысты.
Іс-шара барысында тыңдаушылар осы мерекенің пайда болу тарихымен танысты, орыс әлеуметтік-мәдени орталығының қызметкері Н. К.Алчинбаева орталық туралы, орталықтың тарихы, қызметі туралы айтып, халық әні мен романстарын орындады, сондай-ақ кешке қатысушылармен танымдық викторина өткізілді.
Шара барысында қолөнер шеберлері өз бұйымдары жайында айтып, шеберлік өнерлері жайында сыр шертті. Кеш соңында студенттер Қазақстан халықтарының бірлігі күні мерекесіне орай ұйымдастырылған «Бір шаңырақ астында» атты тақырыптағы көрмемен танысты.