Ғасырлар бойы, жылдар бойы есте сақта!»: патриоттық іс-шара

Жеңістің 80 жылдығы қарсаңында Абай атындағы кітапхана мамандары Семей қаласының электротехника колледжінде «Ғасырлар бойы, жылдар бойы есте сақта!» атты патриоттық іс-шара өткізді.
Халқымыздың ұрпақтан-ұрпаққа жалғасып келе жатқан ерліктері ұрпаққа өнеге болып қала бермек. Кітапхана маманы студенттерге оқу бітірген соң бірден Отан қорғауға майданға аттанған Қазақстан жастары мен семейліктердің еріктілер қозғалысы туралы айтып берді. Студенттер Семейде жасақталған 238-ші және 8-ші атқыштар дивизияларының құрамында соғысқан семейліктердің ерліктерімен танысты. Шара барысында Илья Эренбургтың қазақ халқының қаһармандық қайратына арналған «Қазақтар» атты мақаласынан үзінді тыңдалды. Студенттер екінші дүниежүзілік соғыс жылдарындағы семейліктердің күнделікті жұмысы мен мәдени өмірі туралы баяндайтын «Иртышская правда» газетінің беттерін виртуалды түрде парақтады. Жерлестеріміздің күш-жігерінің арқасында эвакуацияланған кәсіпорындар келгеннен кейін екі апта ішінде өнім шығара бастады. Біздің елімізде екі соғыс туралы фильм түсірілді, айтыс, балалар шығармашылығы олимпиадалары өткізілді, кинотеатрлар мен театрлар жұмыс істеді. Іс-шара тұсаукесер мен Александр Пашкевич, Марат Байжановтың орындауындағы соғыс туралы әндермен сүйемелденді.
Кездесу барысында мамандар Ұлы Отан соғысы туралы жаңа зерттеулерді таныстырды. Авторлардың қатарында Л.Ахметованың «Брестская крепость.Казахстан», М.Жакупованың «Тыловые эвакогоспитали Казахстана и республик Средней Азии», «Завтра возвращаюсь на фронт… (из истории эвакогоспиталей в Семипалатинске)», Н.Асилов, А.Макиповтың «Великая отечественная война в исторической памяти казахского народа», Н.Такижбаеваның «100-я отдельная стрелковая бригада» және т.б.